Drama Sunda - Comro :D

            Dihiji sakola dina waktos istirahat, murid - murid jarajan ka kantin sakola. Toto, Soson, jeung Bibil nuju calik sabari ngaĕmam comro.

Soson  : Pami Toto sareng Bibil PR matematika latihan 2 atos rĕngsĕ teu acan ?

Toto     : Pami Toto mah atos rĕngsĕ, tadi wengi ngerjakeunna ogĕ.

Bibil    : Bibil mah da ti uwih sakola gĕ atos bobo, atuh da capĕ jadi teu acan ngerjakeun.
  Pami Soson atos teu acan ?

Soson  : Matak Soson naros ogĕ, panan Soson mah teu acan.

Bibil    : Ih dasar Soson mah sugan teh atos rĕngsĕ PR na.

Soson  : Hor, pan Soson mah ngan naros wungkul.

Ani      : Hey, ih tatadi Ani milarian ogĕ, teu ngajak – ngajak ka kantin teh.

Toto     : Hor ituh Ani, nembĕ gĕ dongkap tos aambekkan kitu.

Ani      : Atuh da, jajan tĕh teu ngajak – ngajak. Ani di tinggalkeun wĕh nyalira dikelas.

Bibil    : Sanĕs kitu Ani, da tadi mah katinggalina Ani teh nuju ngerjakeun tugas.

Soson  : Atos – atos, tong parasĕa waĕ, hoyong ieu teu Ani ?

Ani      : Ih combo, hoyong atuh.

Toto     : Hoyong – hoyong waĕ, mĕsĕr atuh. Da jaman kiwari mah teu aya anu gratis Ani.
  Hitut nu gratis mah.

Ani      : Nya entos atuh, Ani mah badĕ mĕser.

Bibil    : Eh Ani, bade kamana ? teu kedah mĕsĕr, da ieu oge seĕur kĕnĕh, nyaah teu ka
  emam.

Ani      : Panan tadi saur Toto nu gratis mah ngan hitut wungkul.

Toto     : Ih herey Ani, Toto mah. Tong di lebetkeun kana hatĕ bisi liver kĕ.

Soson  : Liver teh anu tina ketan sanĕs ?

Bibil    : Lemper ĕta mah Soson.

(ngaemam combro)   

Toto     : Toto mh mineng ngaemam combro tĕh, tapi Toto mah teu teurang ieu comro tĕh
  kaemamam khas mana.

Ani      : Ĕmang na Toto tĕh teu terang ? panan comro tĕh salah sahiji kaemaman ti jawa
  barat.

Soson  : Ku naon nya makĕ disebut comro ?

Bibil    : Panan di jero na aya comroan.

Ani      : Oncom, Bibil. Panan comro tĕh oncom di jero. Da lamun diluar mah sanĕs comro
  tapina comlar.

Soson  : Terus, pami di luar na naon ?

Bibil    : Anu diluar mah sampe.

Toto     : Oh, jadi combro tĕh tina oncom sareng sampe.

Ani      : Naha nya sampe tĕh tiasa jadi lemes kieu.

Bibil    : Panan di parud, ma enya wĕ di gayem hela ku Bibil terus di burakeun deui.

Ani      : Ih Bibil mah galak !

Toto     : Ĕmang na jaman bahela aya parudan kitu ?

Soson  : Teu aya bahela mah, da bahela mah sampe tĕh ngan saukur di bubuy wungkul.
  Tapi makin kadieu – kadieu mah sampe tĕh tiasa di jadiken rupi – rupi kaemaman.
  Salah sahijina tĕh ieu combro.

A,B,T  : Oh .. kitu.

Bibil    : Ĕh, ĕmangna kaemaman khas sunda tĕh aya naon waĕ salian ti combro ?

Toto     : Toto terang .. Toto terang .. ka emamman khas sunda teh aya karĕdok, batagor,
  lotĕk,  laksa, sayur asem, misro, tahu gejrot, bala-bala, cirĕng, peuyeum, ranginan
  sareng seer kĕnĕh da.

Ani      : Seer gening kaemaman khas sunda tĕh.

Soson  : Enya atuh, panan sunda mah seueur ciri khas na ogĕ. Salah sahiji na tina kaemaman
  na. Jadi urang te kedah bangga janten orang sunda tĕh.

( Bĕl ... )